Te Arawa

"Mai i Maketū ki Tongariro". Kua kapohia ake te tawhā o te rohe o Te Arawa i roto i te whakataukī nei. E mea ana te kōrero ko Maketū te Ihu, ko Rotorua te Takere, ko Taupō te Kei o te waka o Te Arawa, nō reira katoa ngā iwi, ngā hapū e noho ana kai waenganui i ēnei roherohenga ka whakapapa atu, ka hono atu ki te iwi o Te Arawa. E kauae tū ana a Te Arawa i te rite tonu o te kounga o te kapa haka me te nui hoki o ngā tautawhito o ēnei mahi a Tānerore me Hinerēhia, waihoki ko te nui tonu o ngā uri a Tū-whakaheketangata. Mai i aweko tae noa mai ki mohoa i whāngaihia te hunga manene, ngā tūruhi ki ngā hua o te kapa haka e ngā uri o Te Arawa, e kitea ai te rerehua o tō tātou ahurea Māori, kia mōhio hoki ai rātou ki ngā tangata whenua o Aotearoa.